18 de agosto de 2017

Servizo de Información e Orientación


O servizo de información e orientación é un programa a través do cal se pretende resolver as dúbidas dos pacientes, familiares, amigos e asociacións. 

Os obxectivos do programa son:


  • Facilitar información acerca da artrite reumatoide, artrite psoriásica e artrite idiopática xuvenil, así como sobre todas aquelas necesidades sociais que vaian xurdindo co contacto cos outros pacientes e os seus familiares.
  • Informar e orientar sobre os recursos sociais existentes así como a derivación aos mesmos.sio_conartritis
  • Resolver consultas legais que teñan os pacientes.
  • Ter a disposición dos usuarios do servizo medios rápidos e eficaces de resolución de dúbidas.
  • Poñer en contacto a aquelas persoas que padecen estas enfermidades.
  • Sensibilizar a entidades públicas e privadas, profesionais e á poboación no seu conxunto sobre as necesidades de acometer accións para mellorar a calidade de vida das persoas con estas enfermidades.
  • Favorecer a coordinación, comunicación e desenvolvemento das asociacións con artrites.
  • Dar a coñecer os labores das asociacións a diferentes organismos e empresas relacionadas coa sanidade e os servizos sociais mediante campañas de sensibilización.


Como podo contactar?

  • Teléfono: 91 535 21 41 en horario de luns a venres de 9h a 14h.
  • Correo electrónico: conartritis@conartritis.org.
  • Presencialmente, na nosa oficina, pedindo sempre cita previa.

11 de agosto de 2017

Servizo de Información e Orientación Socio-Laboral

A través deste servizo quérese axudar aos pacientes para atopar traballo e ofrécese información sobre as necesidades e situación deste colectivo para favorecer a súa integración no mundo laboral.

Coa posta en marcha do Servizo de Información e Orientación socio-laboral, os usuarios poderán adquirir as habilidades necesarias para a súa inserción no mundo laboral a través dos seguintes pasos:
  • Entrevista inicial para realizar un diagnóstico da súa situación laboral na que detectaremos as necesidades nas habilidades socio-laborais.
  • Creación dun Plan Individualizado de mellora da empleabilidade.
  • Orientación laboral.
  • Procura activa de emprego.
  • Seguimento.

      Os interesados poderán solicitar e recibir información e orientación en:

      • De forma presencial: sede de ConArtritis. Rúa Ferrocarril, 18, 1º despacho 2. Madrid
      • Correo electrónico: laboral@conartritis.org.
      • Teléfono: 91 535 21 41.

        4 de agosto de 2017

        Artrite Psoríasica e exposición solar

        As persoas que padecen APS deben ter especial coidado coa exposición solar xa que certos tratamentos específicos para esta enfermidade como os similares á vitamina D e A (retinoides) ou os tratamentos con brea de hulla ademais dos antiinflamatorios ou algúns imunosupresores poden producir manchas, irritacións, queimaduras ou urticarias ao ser fotosensibles.



        É moi importante evitar as queimaduras solares, as lesións de psoriasis poden aparecer sobre elas. Por iso, recomendamos:
        • Non tomar o sol entre as 12:00h e as 17:00H
        • Utilizar protección 50 e renovar a súa aplicación cada 2 horas
        • Consulte ao seu médico sobre aqueles tratamentos que poidan presentar fotosensibilidade

        Para maior información, estaremos á súa disposición no 659084950 ou no mail info@artrite-santiago.org

        28 de xullo de 2017

        Balneario: unha boa proposta para as vacacións...

        Atópaste buscando destino para as túas vacacións? 


        A balneoterapia podería ser unha boa opción para un paciente de artrite. A súa influencia é benéfica para todo o organismo.
        Nunha estancia de balneoterapia, gozaremos de momentos de relaxamento en contacto coa auga, estimulando a circulación sanguínea, o ton muscular, a forza nerviosa, a dixestión, eliminando células mortas e toxinas do corpo.
        Tamén contribúe á desaparición de diversas inflamacións e é un medio alternativo para aliviar diversas dores, por exemplo, os provocados por unha artrite.
        Desde a Asociación, dispoñemos de convenios con distintos balnearios: accédese ás instalacións cuns programas personalizados adecuados ás necesidades médicas de cada persoa (consulta cun médico), e con grandes descontos. Só necesitas ser socio de AAS.

        Para maior información, estaremos á súa disposición no 659084950 ou no mail info@artrite-santiago.org

        21 de xullo de 2017

        Veranito: un bo momento para deixar de fumar?

        Numerosos estudos demostraron que o tabaco está asociado a un incremento do risco de artrite reumatoide, e tamén que determina un curso evolutivo máis grave e unha maior destrución articular, tendo o tratamento antirreumático peor resposta nos pacientes fumadores.



        Propoñémonos deixar de fumar?

        Sendo socio de AAS, Emma Maio, a nosa psicóloga sanitaria en exercicio, nº G-4413, poderíache dar unhas pautas para enfrontarte a esta nova etapa: desfrutarías dun desconto.

        Pénsao!


        14 de xullo de 2017

        Xornada de presentación do Mapa de Demanda Temperá do Plan de Innovación Sanitaria Código 100



        Seguimos traballando para vós. O mércores respondemos á invitación do Sergas, presentándonos no Edificio administrativo en San Lázaro e coñecer os avances no proxecto CÓDIGO 100,  e temos que contarvos que hai unha gran cantidade de propostas, e que unha gran partida do orzamento esta prevista para responder as necesidades das enfermidades reumatóloxicas. En efecto, 750.000 € están reservados para os Biomarcadores de diagnóstico temperán, predición de resposta e/ou monitoraxe de pacientes con enfermidades reumatolóxicas. O conselleiro de Sanidade, D. Jesús Vázquez Almuiña, non dubidou en insistir en seguir na linea na que se está traballando, tendo sempre en mente o paciente, que ao fin é o primeiro interesado. 

        Queredes saber máis? http://codigo100.sergas.gal/


        Seguiremos informando!

        De vacacións con AR



        Aspectos a ter en conta á hora de irnos de vacacións:

        ➤ Planificar a medicación que imos necesitar sobre todo se viaxamos fóra da nosa comunidade ou de España. Non te esquezas o teu informe médico, podes necesitalo.

        ➤ Se temos que movernos coa nosa medicación e esta debe conservarse en frío é importante lembrar: 


        1. Levar o tratamento nunha bolsa isotérmica coas bolsas de xel para non perder a cadea de frío.
        2. No caso de que non se poida manter o fármaco en frío, infórmese co seu especialista para ver canto tempo pode estar a temperatura ambiente sen perder as súas propiedades.
        3. O fármaco debe ir na equipaxe de man, non debe facturalo, este poderíase extraviar.
        4. Se vai voar, contacte coa compañía aérea para informar da medicación que ten que trasladar.

        Planifícate, infórmate e divírtete!